Rashiti: Vetëvendosje nuk mund të sillet me dy fytyra

Naim Rashiti: Vetëvendosje ditëve në vijim duhet të pozicionet në qëndrimet e saj, se çka do saktësisht, sepse këto veprime e dëmtojnë Lëvizjen.

Analisti politik Naim Rashiti, ka deklaruar në Info Magazine të Klan Kosovës se, iniciativa e Presidentes së Kosovës, Atifete Jahjaga, është shumë pozitive dhe nëse ajo arrin të vazhdojë negociatat mes palëve, atëherë do të ishte një sukses shumë i madh.

Ai deklaroi se Vetëvendosje duhet vendos një herë e mirë dhe jo të sillet “me dy fytyra”.

“Vetëvendosje ditëve në vijim duhet të pozicionet në qëndrimet e saj, se çka do saktësisht, sepse këto veprime e dëmtojnë Lëvizjen”.

“Nuk mundet edhe me dhunë edhe me dialogë”.

“Unë mendoj se iniciativa e Presidentes duhet të kthehet në zhvillim të temave. Liderët kanë nevojë të ulen dhe të diskutojnë për tema të rëndësishme që i afektojnë institucionet”.

“Nëse Presidentja do ta vazhdonte negociatat gjatë ditëve në vazhdim me Qeverinë, e partitë tjera, ky do të ishte një sukses i madh”.

“Gjatë negociatave do të shihet që palët mund të bëjnë kompromise, në disa nga temat që kanë interesë dy palët, siç janë dialogu, roli i opozitës, e çështje tjera”.

“Kjo që ka ndodhë deri tash është mungesë e besimit mes opozitës dhe Qeverisë. Këto veprime, siç është gjuajta me vezë nuk i ndihmojnë dialogut”.

Rashiti tha se përkundër situatës, krizë politike nuk ka në Kosovë. Krizën e kërkon Opozita.