Pajaziti: Opozita po bën luftë të pastër për pushtet

Deputeti i Partisë Demokratike të Kosovës (PDK), Zenun Pajaziti, në emisionin “Info – Box” të TV Dukagjinit, ka theksuar se pamja që po i ofrohet qytetarëve dhe ndërkombëtareve, më veprimet e fundit të opozitës, është e shëmtuar.
Ai ka thënë se mendon që ky moment duhet të jetë si moment reflektimi për opozitën, duke shtuar se është i bindur se me kryeneçësi nuk zgjidhen problemet e opozitës.

“Nuk ka asnjë rrugë tjetër, përveç Kuvendit, që do zgjidheshin problemet. Qytetarët nuk parapëlqejnë ndonjë mënyrë tjetër të zgjidhjes se problemeve. Unë mendoj se veprimet të cilat po i ndërmerr opozita, janë luftë e pastër për pushtet. Mendoj që qytetarët e vendit e dallojnë luftën për pushtet dhe luftën për kauzë”, ka shtuar Pajaziti.