Ministri Hyseni shpenzon 710.000€ për servisim të veturave (DOKUMENT)

Ministria e Punëve të Brendshme e Kosovës (MPB), të cilën e udhëheq Skënder Hyseni, ka shpallur fituesit e të nderit në vlerë prej rreth 710 mijë euro për servisim të automjeteve zyrtare, transmeton portali “INFOKUSI”.

Kjo ministri, fitues të tenderit për mirëmbajtje dhe servisim të automjeteve të tipit ‘VW’ e ka shpallur  kompaninë “Baki Automobile”, e cila ka konkurruar me një çmim prej rreth 485 mijë euro. Ndërsa kompania ‘AGS’ ka fituar tender në vlerë prej rreth 150 mijë euro për servisimin e automjeteve të vogla.

Për mirëmbajtjen dhe servisimin e automjeteve dhe kamionëve fitues është shpallur kompania ‘Besi& AutoGrezda’, e cila ka konkurruar me nj çmim prej mbi 43 mijë euro, transmeton portali “INFOKUSI”.

Për mirëmbajtjen dhe servisimin e automjeteve të tipit ‘Hyundai’, tenderin në vlerë prej rreth 32 mijë euro e ka fituar kompania ‘Miri’.

Sipas përshkrimit të lëndës së kontratës, mirëmbajtja dhe servisimi përfshinë servisimin e rregullt, ndërrimin e pjesëve sipas nevojës për departamentet e MPB-së dhe Inspektoratit Policor të Kosovës./INFOKUSI.COM