Seancat solemne nuk do të zmbrapsin opozitën (Video)

Koalicioni qeverisës dhe shumica parlamentare po synon që më seanca solemne të blejë kohë duke shpresuar në zbutjen e qëndrimeve nga ana e partive opozitare. Megjithatë, sipas njohësve të çështjeve politike këto pritje janë të kota pasi opozitarët janë të vendosur në kërkesat e tyre. Analistët i bëjnë thirrje partive në pushtet që të bëjnë ndonjë strategji me të mirë pasi kjo nuk do të kryejë punë.

Njohësi i çështjeve politike, Artan Muhaxhiri thotë se koalicioni qeverisës nuk kanë ndonjë ide se si të dalin nga kjo krizë. Prandaj, sipas tij, koalicioni po mundohet që në mënyra të ndryshme të kompensojnë këtë mungesë të dijës dhe kreativitetit duke shpresuar se opozita do të lëshoj pe. Muhaxhiri ka folur edhe për nismën e fundit të presidentes Jahjaga.

Gjendja e krijuar në vend sipas tij, tregon paaftësinë e partive politike, papjekurinë e tyre si të pozitës deh të opozitës. Kriza sipas Muhaxhirit mund të zgjidhet nesh pesë liderët e partive politike kanë vullnet dhe dëshire të lëvizin nga pozicionet e tyre

Në këtë linjë është edhe, njohësi tjetër i çështjeve politike, Imer Mushkolaj. Ky i fundit thotë se koalicioni PDK- LDK po synon blerjen e kohës më shpresën se opozita do ta ndryshojë qëndrimin. Megjithatë ai thotë se opozita është e vendosur në kërkesat e saj.