Raporti 24-orësh nga Policia e Kosovës

Raporti i Policisë së Kosovës, botohet pa ndërhyrje për të gjitha ngjarjet që kanë ndodhur brenda 24 orëve në tërë territorin e Kosovës, duke përfshirë edhe kufijtë e saj.

RAJONI I PRISHTINËS

INCIDENTET  KRIMINALE

SHKAKTIM I RREZIKUT TË PËRGJITHSHËM

Rr. “Xhabir Toqani”, Prishtinë 09.11.2015-01:17. Raportohet se në rrethana të panjohura është përfshirë nga zjarri vetura Opel Corsa, pronë e viktimës femër K-Shqiptare.   Në vendin e ngjarjes kanë dalë njësitet përkatëse ndërsa njësiti i zjarrfikësve ka lokalizuar zjarrin. Përveç dëmeve materiale nuk raportohet për të lënduar.

POSEDIM I NARKOTIKËVE

Rr. “Luan Haradinaj” , Prishtinë 09.11.2015-18:19. Njësiti policor ka ndaluar tre të dyshuar meshkuj K-Shqiptarë, të cilët dyshohet se ishin duke konsumuar substanca narkotike. Nga të dyshuarit është konfiskuar një cigare që dyshohet të jetë me substancë të dyshuar narkotike. Me urdhër të prokurorit rasti shkon në procedurë të rregullt.

Raport shtesë:

VRASJE NË TENTATIVË

Rr. “Tirana”, Prishtinë 07.11.2015 – 20:02. Lidhur me rastin pas hetimeve të zhvilluara me datën 09.11.2015 është identifikuar dhe arrestuar edhe një i dyshuari mashkull K-Shqiptar  nga i cili është konfiskuar arma e llojit TT me një karikator dhe një fishek i cal. 7.62 mm. Me urdhër të prokurorit  i dyshuari  dërgohet në mbajtje.

INCIDENTET TJERA /NGJARJET

AKSIDENT TRAFIKU

Prishtinë 09.11.2015-19:00. Raportohet se i dyshuari mashkull K-Shqiptar, shtetas i huaj i cili ishte duke lëvizur me automjetin VW Polo gjatë tentimit të ndalimit në një pikë kontrolli e ka goditur viktimën mashkull K-Shqiptar, me ç’rast i ka shkaktuar lëndime trupore. Viktima është dërguar për tretman mjekësor në QKUK dhe më pas është liruar.

RAJONI I GJILANIT

INCIDENTET  KRIMINALE

POSEDIM I NARKOTIKËVE

Lagjja Çamëria, Kamenicë 09.11.2015-12:00. Me urdhër të prokurorit dhe gjyqtarit të procedurës paraprake janë bastisur shtëpia dhe lokalet përcjellëse pronë e të dyshuarit mashkull K-Shqiptar. Gjatë bastisjes janë gjetur dhe konfiskuar pesë paketime me substancë të dyshuar narkotike të llojit marihuanë me peshë prej 2.900 gramë, një revole Ekol e cal. 9 mm, 22 fishekë të cal 9 mm, 350 euro para të gatshme, një telefon dhe dy pasaporta. Lidhur me rastin i dyshuari është arrestuar dhe me urdhër të prokurorit dërgohet në mbajtje.

LËNDIM I LEHTË TRUPOR

Fshati Bozhevc, Ranillukë      09.11.2015 – 10:30. Dy viktimat meshkuj K-Shqiptarë kanë raportuar se pas një mosmarrëveshje të mëhershme  rreth një prone janë sulmuar fizikisht nga tre të dyshuar meshkuj k-Shqiptarë. Viktimat kanë pësuar lëndime trupore. Të dyshuarit janë arrestuar dhe pas intervistimit me urdhër të prokurorit lirohen në procedurë të rregullt.

INCIDENTET TJERA /NGJARJET

ARRESTIM I PERSONIT TË KËRKUAR

Rr. “Adem Jashari”, Viti 09.11.2015.15:00. Në bazë të urdhëresës së lëshuar  nga gjykata     , është arrestuar i dyshuari mashkull K-Shqiptar dhe i njëjti    dërgohet në vuajtje të dënimit në burgun e Gjilanit.

Viti 09.11.2015.18:00. Në bazë të urdhëresës së lëshuar nga gjykata  , është arrestuar i dyshuari mashkull K-Shqiptar dhe i njëjti dërgohet në vuajtje të dënimit në burgun e Gjilanit.

RAJONI I FERIZAJT

INCIDENTET  KRIMINALE

Asgjë me rëndësi për të raportuar.

INCIDENTET TJERA /NGJARJET

Asgjë me rëndësi për të raportuar.

RAJONI I PRIZRENIT

INCIDENTET  KRIMINALE

Asgjë me rëndësi për të raportuar.

INCIDENTET TJERA /NGJARJET

AKSIDENT TRAFIKU

Prizren 09.11.2015-19:00. Raportohet për një aksident trafiku në mes të tri veturave njëra Mercedes  S 300   që drejtohej nga i dyshuari mashkull K-Shqiptar   dhe dy automjeteve tjera Renault Laguna dhe VW Golf me targa lokale që drejtoheshin nga dy viktimat meshkuj K-Shqiptarë. Deri tek aksidenti ka ardhur nga ngasja e pasigurt dhe mospërshtatja me kushtet e rrugës nga i dyshuari i cili gjatë kyçjes është aksidentuar me veturën e dytë dhe pastaj edhe me veturën e  tretë. Si pasojë e aksidentit lëndime trupore kanë pësuar dy viktima femra K-Shqiptare dhe njëri nga drejtuesit  të cilët kanë pranuar tretman mjekësor në spitalin e Prizrenit e më pas janë liruar.

RAJONI I PEJËS

INCIDENTET  KRIMINALE

VETURË E VJEDHUR

Rr. Xhevat Shkreli, Pejë 08.11.2015-21:30. Viktima femër K-Shqiptare ka raportuar se nga të dyshuar të panjohur i është vjedhur vetura Pezho 307. Njësitë relevante po hetojnë rastin.

INCIDENTET TJERA /NGJARJET

ARRESTIM I PERSONIT TË KËRKUAR

Fshati Buqan, Peje  09.11.2015-13:00. Në bazë të urdhëresës së lëshuar  nga gjykata  , është arrestuar i dyshuari mashkull K-Shqiptar dhe i njëjti   pasi kryen obligimet e përcaktuara nga gjykata lirohet.

PKK Merdarë  09.11.2015-10:50. Në bazë të urdhëresës së lëshuar  nga Gjykata Themelore në Pejë   është arrestuar i dyshuari mashkull serb shtetas i Serbisë  dhe i njëjti dërgohet në mbajtje.

Pejë 09.11.15. 13:00. Në bazë të urdhëresës të lëshuar nga Gjykata Themelore-Pejë   është  arrestuar i dyshuari mashkull  K-Shqiptar dhe i njëjti pasi ka kryer obligimet e përcaktuar nga gjykata është liruar.

RAJONI I GJAKOVËS

INCIDENTET  KRIMINALE

VJEDHJE E RËNDË

Malishevë  09.11.2015-21:30. Viktima mashkull K-Shqiptar ka raportuar se të dyshuar të panjohur  kanë hyrë në shtëpinë e tij  përmes një dritareje duke e hapur me forcë dhe nga aty kanë vjedhur stoli ari. Rasti në hetime.

INCIDENTET TJERA /NGJARJET

ARRESTIM I PERSONIT TË KËRKUAR

Fshati Xërxë, Rahovec 09.11.2015-12:30. Në bazë të urdhëresës së lëshuar  nga gjykata, është arrestuar i dyshuari mashkull K-Shqiptar dhe i njëjti   pasi kryen obligimet e përcaktuara nga gjykata lirohet.

Fshati Xërxë, Rahovec 09.11.2015-13:00. Në bazë të urdhëresës së lëshuar  nga gjykata, është arrestuar i dyshuari mashkull K-Shqiptar dhe i njëjti   pasi kryen obligimet e përcaktuara nga gjykata lirohet.

Fshati Krushë e madhe, Rahovec 09.11.2015-15:15. Në bazë të urdhëresës së lëshuar  nga Gjykata  Themelore në Gjakovë , është arrestuar i dyshuari mashkull K-Shqiptar dhe i njëjti    dërgohet në vuajtje të dënimit në burgun e Dubravës në kohëzgjatje prej 4 muaj.

RAJONI I MITROVICËS

INCIDENTET  KRIMINALE

ARMËMBAJTJE PA LEJE

Rr. “Dëshmorët e Kombit” , Vushtrri  09.11.2015-22:22. Është arrestuar i dyshuari mashkull K-Shqiptar, pasi që gjatë kontrollit tek i njëjti është gjetur dhe konfiskuar  një revole me gas Voldran te cal.9 mm. Me urdhër të prokurorit pas intervistimit i dyshuari lirohet në procedurë të rregullt.

INCIDENTET TJERA /NGJARJET

ARRESTIM I PERSONIT TË KËRKUAR

Vushtrri 09.11.2015-12:30. Në bazë të urdhëresës të lëshuar nga gjykata është arrestuar i dyshuari mashkull K-Shqiptar dhe i njëjti dërgohet në vuajtje të dënimit në burgun e Smrekovnicës në kohëzgjatje prej 90 ditëve.

RAJONI I MITROVICËS – VERI

INCIDENTET  KRIMINALE

LËNDIM I LEHTË TRUPOR

Fshati Vuca , Soqanicë 08.11.2015-23:00. Është arrestuar i dyshuari mashkull K-Serb, pasi që i njëjti pas një mosmarrëveshje ka sulmuar fizikisht viktimën mashkull K-Serb. Me urdhër të prokurorit i dyshuari pas intervistimit është liruar në procedurë të rregullt.

PRISHJE E RENDIT DHE QETËSISË PUBLIKE

Rr. “Kral Petri” , Mitrovicë  09.11.2015-18:00. Është arrestuar i dyshuari mashkull K-Serb, pasi që i njëjti ka demoluar konstruksionin e një vendqëndrimi për pritjen a autobusëve. Me urdhër të prokurorit i dyshuari pas intervistimit është liruar në procedurë të rregullt.

Fshati Borcane, Mitrovicë  09.11.2015-12:00. Është arrestuar i dyshuari mashkull K-Serb, pasi që i njëjti me një motorsharrë i ka demoluar rrethojën për gjedhe pronë e  viktimës mashkull K-Serb. Me urdhër të prokurorit pas intervistimit i dyshuari lirohet në procedurë të rregullt.

INCIDENTET TJERA /NGJARJET

Asgjë me rëndësi për të raportuar.

POLICIA KUFITARE

INCIDENTET  KRIMINALE

KONTRABANDIM ME MALLRA

Fshati Novosellë , Kamenicë  09.11.2015-15:35.  Njësiti policor gjatë kontrollit në brezin kufitar ka ndaluar një automjet VW Kombi me targa civile që drejtohej nga i dyshuari mashkull K-Shqiptar. Gjatë kontrollit në automjetin e tij është konstatuar se i dyshuari  ishte duke transportuar pemë –fidanë të pemëve të ndryshme pa dokumentacion përkatës. Automjeti së bashku me mallin është konfiskuar dhe është dorëzuar në doganë, ndërsa rasti vazhdon në procedurë të rregullt.

STATISTIKAT E PËRGJITHSHME

Aksidente fatale

000

Aksidente me të lënduar

014

Aksidente pa të lënduar

054

Tiketa trafiku të shqiptuara

933

Arrestime

28

Në mbajtje

9