Rrokulliset me cisternë të betonit, humb jetën shoferi në Suharekë

Policia bën me dije se shoferi, derisa po lëvizte me kamion (cisternë betoni), nga pakujdesia dhe mospërshtatja e shpejtësisë së lëvizjes me kushtet e rrugës, ka humbur kontrollin mbi automjetin me ç’rast ka dalë jashtë rrugës dhe është rrokullisur.

“Si pasojë e aksidentit, ngasësi ka pësuar lëndime të rënda trupore dhe nga lëndimet e marra ka ndërruar jetë”, njofton PK.

Me urdhër të prokurorit, trupi i pajetë dërgohet në Institutin e Mjekësisë Ligjore.