Del Piero ka një mesazh për tifozët e Juventusit

Alessandro Del Piero ka kërkuar durim nga tifozët e Juventusit pasi ka thënë se ish skuadra e tij do të kthehet në garën për titullin e Serie A

Kampioni italian e ka nisur keq këtë edicion, mirëpo ikona e Zonjës së Vjetër mendon se ky është vetëm fillimi i edicionit dhe se ka shumë deri në fund.

“Juve vazhdon të jetë skuadër shumë e fortë dhe kjo është dëshmuar me atë që po bëjnë në Ligën e Kampionëve”, ka deklaruar Del Piero.

“Ata janë më pak efektivë në Serie A dhe njerëzit po reagojnë sikur të jetë një situatë tragjike. Skuadra e ka potencialin që të kthehet në garën për Scudetto me tri apo katër fitore radhazi”, ka shtuar më tej ikona e Zonjës së Vjetër.