Spahiu: Situata që të ikësh sa më parë nga Kosova, por ku se?

“Zgjedhjet nuk janë zgjidhje.Nëse do të mbaheshin zgjedhje në Kosovë tani, partitë që jane në pushtet veshtirë se do të mund të afroheshin tek kutitë e votimit. Zgjedhjet do t’ishin jo shprehje e vullnetit të qytetareve (që edhe ashtu janë të trullosur dhe zakonisht nuk i votojnë më të mirët), po shprehje e aftësisë për të grabitur kutitë e votimit. Nëse opozita paraqitet e bashkuar, atëherë me sa po shihet, kutitë e votimit do të bëheshin prona të saj”, shkruan Spahiu në Facebook.

Spahiu thotë se është krijuar situatë që të ikësh sa më pare nga Kosova, por nuk ku të shkosh se i gjithë planeti është bërë i pasigurtë.

“Situata është e tillë që të ikesh sa më parë nga ky vend, por çështja është ku të shkosh. I gjithë planeti është bërë i pasigurtë. Vendet ku tradicionalisht kanë emigruar shqiptarët: Evropa Perëndimore dhe Turqia janë bërë të pasigurta nga terrorizmi. Terrorizmi po troket edhe ne deren tonë, e ne po luajmë me zjarr. Krejt kjo ështe pasojë e rënies së vlerave morale. Njerzimi e sidomos kosovarët duhet t’u kthehen vlerave morale: besimit, dashurisë, dhembshurisë, sakrifices, thjeshtësisë, korrektësisë, respektit, tolerancës, sinqeritetit, faljes, zellit për punë, durimit, guximit dhe mbi të gjitha shpresës për të ardhmën”, shkruan ai.

Sipas tij, ‘prandaj duhet të sillemi më me dashuri e respekt për Kosoven tonë: liderët politikë duhet të gjejnë gjuhën e kompronisit’.