Ahmeti: Nuk dal në protestë se jam Vetëvendosje por se e konsideroj padrejtësi këtë që po ndodh

I pari i Prishtinës, Shpend Ahmeti është në Zona B të Klan Kosovës ku është duke folur për të gjitha ngjarjet e fundit politike, përplasjet opozitë – pozitë dhe situatën aktuale politike.

Ahmeti është shprehur se para se të jetë kryetar i Prishtinës ëhstë qytetar i këtij vendi andaj do të reagojë ndaj ngjarjeve, njofton Klan Kosova.

“Unë kurrë nuk kam thënë që do të bëhem kryetar dhe do të mbyllem në zyrën time dhe tani do t’i përcjellë të gjitha ngjarjet dhe do të jem vetëm kryetar qyteti”.

“Nuk është fakti pse unë jam Vetëvendosje që unë dal në protestë, është fakti që unë e konsideroj padrejtësi këtë që po ndodhë”.

Ai ka thënë se ka momente në historinë e vendeve të ndryshme që demokracia ka përjetuar mënyrë më të vrazhdë.

“Ka momente në historinë e Amerikës që e kanë sjellë Amerikën në këtë nivel që është tani”.

“Ka momente në histori të shteteve ku demokracinë e kanë përjetuar në mënyrë më të vrazhdë”.