Presidentja takim lamtumirës me drejtorin e Korpusit amerikan të Paqes

Presidentja Jahjaga çmoi lartë kontributin e Kutzy si drejtori i parë i Korpusit amerikan të Paqes në Kosovë.

Ajo theksoi se angazhimi i zotit Kutzy dhe i të gjithë vullnetarëve është shumë i rëndësishëm për forcimin e marrëdhënieve midis qytetarëve të Kosovës dhe popullit amerikan si dhe për thellimin e miqësisë midis dy vendeve, transmeton Klan Kosova.

Jahjaga gjatë këtë takimi i dëshiroi mirëseardhje në Kosovë drejtoreshës së re të Korpusit amerikan të Paqes dhe e inkurajoi atë për të vazhduar me sukses misionin e filluar nga zotëri Kutzy, që përmes angazhimit të vullnetarëve, t’i ofrohet ndihmë të gjitha komuniteteve që jetojnë nëpër pjesë të ndryshme të Kosovës.

Drejtori i Korpusit amerikan të Paqes në Kosovë e falënderoi Presidenten Jahjaga për mbështetjen që institucionet dhe qytetarët e Kosovës i kanë ofruar atij personalisht por edhe vullnetarëve të Korpusit amerikan të Paqes.