Për 24 Orë, 44 Aksidente

44 aksidente janë shënuar gjatë ditës së djeshme nëpër rrugët e Kosovës.

Reshjet e shiut kanë vështirësuar qarkullimin nëpër rrugë dhe si pasojë janë raportuar disa fatkeqësi komunikacioni.

KALLXO.com ka raportuar për një aksident që kishte ndodhur në fshatin Dollc, në magjistralen Prishtinë- Pejë në të cilin katër veta kishin mbetur të lënduar. Si pasojë e këtij aksidenti, rruga ishte mbajtur e bllokuar për disa orë duke krijuar kolona të mëdha në të dy anët e qarkullimit.

Policia, në raportin e vet ditor, thotë se në 21 aksidente gjatë të dielës, ka pasur të lënduar, ndërsa një prej tyre ka përfunduar me fatalitet kur një veturë në Prizren ka goditur për vdekje një këmbësor.