Gerrard kritikon dhe këshillon Benitezin

Legjenda angleze ka kërkuar nga Rafa Benitezi që të përmirësoj raportet me skuadrën, nëse do që të ketë sukses.

Steven Gerrard ka këshilluar Rafa Benitezin që të përshtatet me lojtarët e Real Madridit.

Strategu spanjoll ka dështuar të ketë raporte të mira me shefat e zhveshtores së Los Blancos, gjë që ka çuar në disa shpërthime.

Veçmas pas debaklit nga Barcelona janë rritur zërat që kërkojnë largimin e Benitezit nga Santiago Bernabeu.

Ish lojtari i tij ka kërkuar nga Rafa që të përshtatet me skuadrën, nëse do që të ketë sukses në Madrid.

“Benitez është një trajner i mirë, nuk e di se si ai i ka marrëdhëniet me lojtarët, por ata duken pak të thyer në këto momente”.

“Për Benitezin kjo është vetëm një skuadër, por ai duhet ta kuptojë se ka të bëjë me lojtar të mëdhenj, si Ronaldo e shumë të tjerë. Duhet tu përshtatet atyre”.

“Për të arritur te suksesi Benitez duhet të përshtatet me lojtarët që ka në dispozicion, e jo të kërkojë nga lojtarët që t’i përshtaten filozofisë së tij”.

“Këtë nuk mund ta bësh në Barcelonë e Real Madrid që janë të mbushura me yje”.