Erdogan: E kam paralajmëruar Putinin… mos luaj me zjarr

Presidenti turk, Reccep Tayip Erdogan ka deklaruar se presidentin rus, Vladimir Putin e ka paralajmëruar për rrezikun nëse aeroplanët rusë hynë në hapësirën ajrore turke.

Erdogan ka thënë se Putini ka kërkuar nga Turqia që aeroplanët rusë t’i pranojë “si mysafir”, transmeton Republika.info.

“Nuk mund të ketë mysafir të paftuar. Rajoni është i ndjeshëm”, ka thënë presidenti turk si përgjigje.

Erdogani e ka akuzuar Rusinë se mbështetë shtetin terrorist të presidentit sirian, Bashar Al Assad, duke shtuar se ajo është përgjegjëse për vrasjen e 380 mijë njerëzve.

Ai ka përsëritur se kërkon nga Rusia që të paraqes fakte se Turqia blen nafte nga ISIS, duke shtuar se kjo organizatë terroriste i shet naftë Assadit dhe se këtu përfshihen kompanitë ruse.

Presidenti turk e ka paralajmëruar Rusinë që “mos të luaj me zjarr”.