Agjencia e lajmeve Kosovanews kosovanews.info
Sipas të dhënave zyrtare të Policisë së Kosovës, dje, bashkë me Albin Kurtin, janë arrestuar edhe 97 persona të tjerë.
“11 janë ndaluar për 48 orë me dyshimet për përfshirje në vepra penale, 53 janë dërguar në procedurë të shpejtë për përfshirje në raste të kundërvajtjes, 26 janë liruar në procedurë të rregullt, si dhe shtatë të mitur janë liruar”, thuhet në njoftimin e Policisë.
Arrestimet erdhën pasi njësitet speciale hynë me forcë në selinë e Lëvizjes Vetëvendosje për të zbatuar urdhërarrestin për deputetin Kurti.
Ai më herët gjatë ditës mbajti një fjalim para masës së mbledhur në sheshin “Zahir Pajazit”, në të cilin Opozita kishte organizuar manifestim paqësor, kundër “Zajednicës” dhe Demarkacionit me Malin e Zi.
