Skandal në FIFA: Zvicra bllokon 50 milionë franga

Janë bllokuar 50 milionë franga të zyrtarëve të FIFA’s.

Zvicra ka bllokuar më se 50 milionë franga zvicerane (46 milionë euro) në llogaritë bankare me kërkesë të SHBA në kuadrin e operacionit anti-korrupsion të ndërmarrë ndaj FIFA-s, shkruan gazeta e Zurihut “Tages Anzeiger”.

Sipas Folco Galli, zëdhënës i zyrës federale të drejtësisë në Berne, i pyetur nga gazeta ka thënë se është e vërtete që këto llogari janë bllokuar, në mes 50 milionë deri në  100 milionë franga.

Autoritetet amerikane, thekson gazeta, kanë kërkuar me 6 mars nga Zvicra informacione lidhur me 50 llogari bankare në 10 banka në Zvicër.