ISIS kërcënon mbretëreshën e bukurisë: Bashkohu me ne

Ajo është e para mbretëreshë bukurie në vendin e saj që prej vitit 1972. Por, Miss Iraku është kërcënuar në një telefonatë nga militantët e Shtetit Islamik.​ Ata i thanë Shaymaa Qazim Abdelrahman që të bashkohet me ta, përndryshe do e rrëmbejnë.

Lajmin e bëjnë të ditur disa media në Kuvajt.

20-vjeçarja nga Kirkuku u shpall të shtunën e para Miss në vend prej shumë dekadash.
Por edhe pse është kërcënuar, ajo thotë se kjo nuk do e ndalojë.

Duke folur për NBC, ajo tha: “Dua të provoj se femrat irakiane kanë vendin e tyre në shoqëri. Nuk kam frikë nga asgjë për shkak se jam e bindur se kjo që po bëj, nuk është gabim”.

Organizimi i këtij konkursi solli shumë zemërim nga besimtarët e vijës së ashpër dhe liderët fisnorë.

Ata thanë se po kërcënohet morali publik.