Ranieri po bën mrekulli me Leicester Cityn

Para se të fillonte edicioni i ri në Premier League në futboll askush nuk e kishte parashikuar dhe as menduar se Leicester Ciyt do të jetë në kreun e tabelës në Premier League. Ekip që për 17 javë ka lënë pa fjalë edhe ekspertët e kësaj loje, sepse tani prin me 38 pikë, dy me tepër se Arsenali që mban vendin e dytë. Trajneri italian, Claudio Rainieri, me një punë e disiplinë ka ndërtuar një ekip të frikshme dhe fare nuk ka respekt për ekipet e mëdha. Ranieri si gjithmonë është i rezervuar në deklarata dhe shpreh respektin për të gjithë, duke thënë se nuk janë në nivelin e Arsenalit dhe Manchester Cityt.

“Shpresoj që kjo periudhë fantastike të vazhdojë por ne nuk duhet të përqendrohemi te statistikat. Skuadra duhet të jetë e fokusuar në fushën e lojës. Atmosfera në dhomën e zhveshjes është shumë pozitive dhe skuadra po stërvitet mirë. Është shumë e rëndësishme që të qëndrojmë të bashkuar. Ne nuk kemi cilësi si Arsenali apo Manchester City por luftojmë të bashkuar. Çdo top është i fundit për ne dhe besojmë shumë në këtë gjë. Kjo është filozofia ime”, tha Ranieri. Leicester City të shtunën (me 26 dhjetor) do të jetë mysafir i ekipit të mirënjohur Liverpooli dhe shpreson të dalim me rezultat të mirë.