Agjencia e lajmeve Kosovanews kosovanews.info
Gjatë këtij viti mbi 15 mijë persona janë punësuar përmes skemave të ndryshme të punësimit. Kështu bëri të ditur ministri i Ministrisë së Punës dhe Mirëqenies Sociale, Arban Abrashi në një konferencën përmbyllëse për media për këtë vit, ku foli për të arriturat e MPMS përmes një prezantimi gjithëpërfshirës.
Sipas të dhënave të prezantuara nga Abrashi janë edhe mbi 12 mijë vende të lira të punës e që sipas tij do të punohet sa më shumë që të rritet ky numër.
Sa i përket asaj se shumica e të punësuarve në Kosovë në vazhdimësi kanë kontrata afatshkurtra, Abrashi tha se kjo do të ndryshojë me plotësimin dhe ndryshimin e ligjit, ku kompanitë do të jenë obliguara t’i japin kontratë të përhershme një punëtori pas 3 viteve.
Sfidë sipas tij mbetet ende pushimi i lehonisë që edhe kjo do të ndryshojë me ndryshimin e ligjit.