Shpërndahen dhurata për 156 familje skamnore në Prishtinë (VIDEO)

Produkte të shumta ushqimore u nxorën nga depot e kompanive për t’iu dhuruar familjeve në nevojë.

Drejtuesit e organizatës Maat, në bashkëpunim më donatorë për të tretin vit radhazi gëzuan disa nga familjet e varfra në Prishtinë.

Në fakt 156 familje skamnore përfituan gjëra të nevojshme ushqimore në prag të ndërrimit të motmoteve.

Drejtuesit e kësaj organizate u janë mirënjohës bizneseve kosovare që bënë të mundur shpërndarjen e këtyre ndihmave, njofton Klan Kosova.

Projekti u mbështet edhe nga mërgimtaret.

Më së shumti u gëzuan fëmijët që pranuan dhurata të shumta.

E për kryefamiljarët që nuk i kanë punët mirë ekonomikisht, këto ndihma janë të mirëseardhura.

Të dielën, ndihmat u shpërndanë në Prishtine. Shpërndarja e tyre do të vazhdojë edhe fshatrave për rreth kryeqyteti.