Agjenti: Ronaldo pensionohet në këtë skuadër

Agjenti i Cristiano Ronaldos, Jose Mendes, u ka dhënë fund spekulimeve për të ardhmen e portugezit.

Mendes ka deklaruar se Cristiano Ronaldo do të pensionohet te skuadra e Real Madridit, përcjell Lajmi.net nga AS.

“Është më i miri i të gjitha kohëve. Do të luajë edhe për 4, 5, 6, 7 vitet e ardhshme në Madrid, ku edhe do ta përfundojë karrierën”, ka thënë ai.

E ardhmja e Ronaldos në Madrid ishte në dyshim, për shkak të marrëdhënieve jo të mira me trajnerin Rafael Benitez, me skuadrat e PSG dhe Man.Utd të interesuara për të.