Kastrati: Kosova mund të jetë cak i sulmeve terroriste

Gjenerali Kadri Kastrati ka vlerësuar se viti 2015 ka qenë i pasuksessëm për shtetin e Kosovës në aspektin e sigurisë.

Ai ka thënë se sfidë kryesore ka qenë mostransforimi i Forcës së Sigurisë në Forcë të Armatosur dhe sipas tij, as në vitin 2016 nuk pritet që Kosova të bëhet me ushtri.

Problemi më i madh sipas Kastratit, ka qenë shkuarja e të rinjve të Kosovës në ISIS, shkruan Epoka e Re.

Në këtë kontekst, ai ka deklaruar se Kosova nuk është vend i sigurt dhe mund të jetë cak i sulmeve terroriste për arsye se është vendi i katërt në botë me numrin më të madh të pjesëtarëve në ISIS.

Kastrati ka thënë se Policia e Kosovës dhe institucionet e tjera të sigurisë duhet t’i rrisin masat e sigurisë dhe duhet të rrisin vigjilencën në çdo aspekt.