Autobusi i turistëve sllovenë është djegur në tunelin e Krrabës

Një autobus me turistë është përfshirë nga flakët mesditën e sotme në zonën e Elbasanit. Ngjarja ka ndodhur në tunelin e Krrabës, ku mësohet se po udhëtonin një grup turistësh sllovenë.

Policia dhe zjarrfikëset kanë mbërritur menjëherë në vendin e ngjarjes dhe u kanë dhënë ndihmën e parë udhëtarëve. Mësohet se një turist është asfiksuar. Për shkak të gjendjes së rëndë, ai është transportuar menjëherë drejt Tiranës.