Opozita nesër në protestë, Policia sot merr planin operativ

Partitë opozitare në Kosovë do të protestojnë nesër kundër Qeverisë. Kurse, Policia sot shpërndan nëpër njësitë e saja, planin operativ.

Në kuadër të organizimeve, opozita ka njoftuar se ka siguruar transportin për aktivistët e Tiranës, të cilët duan të marrin pjesë në protestë.

Me anë të protestës, do të kërkohet që të zbatohet vendimi i Gjykatës Kushtetuese në lidhje me marrëveshjen me Serbinë për Asociacionin e komunave me shumicë serbe.

Në prag të protestës, opozita ka mbajtur takime me qytetarë të qyteteve të ndryshme, si dhe ka postuar disa klipe në mediat sociale, duke numëruar, siç thuhet, arsyet se përse Qeveria aktuale e Kosovës duhet të japë dorëheqje.

Opozita këmbëngul se Mustafa duhet të tërheqë nënshkrimin nga marrëveshja për asociacionin, si dhe nga ajo me Malin e Zi për demarkacionin e kufirit.