‘El Chapo’, para se të riarrestohej ishte intervistuar nga Sean Penn

Aktori i Hollywood-it, Sean Pean, ka intervistuar bosin më të madh të drogës, meksikanin Joaquin “El Chapo” Guzman.

Intervista ishte kryer në një vend sekret para se El Chapo të riarrestohej, ndërkaq, intervista e kryer në muajin tetor, është botuar në edicionin e së shtunes të revistës ‘Rolling Stone’, shkruan BBC.
Guzman në muajin korrik të vitit të kaluar ishte arratisur nga burgu i sigurisë së lartë Altipano, ndërsa është riarrestuar të premtën.
Sipas zyrtarëve meksikanë, takimi sekret mes tij dhe aktorit Penn ka ndihmuar shumë në riarrestimin e tij, transmeton Gazeta Bliv.
Në intervistën për Rolling Stone, Penn dhe Guzman diskutojnë për tema të ndryshme, duke përfshirë edhe trafikun e drogës.
Guzman citohet të ketë thënë se’ nëse nuk do të konsumohej, atëherë as nuk do të kishte shitje’.
Zyra e prokurorëve të përgjithshëm në Meksikë ka deklaruar se do të fillojnë procesin e ekstradimit të El Chapo-së në SHBA.