Deri të premten mot i butë, pastaj kthehet dimri

Instituti Hidrometeorologjik i Kosovës për javën në vijim parashikon mot me vranësira dhe shi, por edhe ditë, si e hëna dhe e enjtja, kur do të ketë periudha me diell. Në fund të javës pritet të kthehet dimri, me temperatura të ulëta dhe me borë.

Gjatë javës kryesisht të hënën dhe të enjten do të ketë edhe intervale me diell. Temperaturat minimale do të lëvizin ndërmjet -1 deri 5 gradë Celsius , kurse maksimalet e ditës do të lëvizin ndërmjet 6-12 gradë Celsius. Do të fryjë erë nga jugu dhe juglindja me shpejtësi 1-9m/s.

Në fundjavë pritet të ketë rënie të theksuara të temperaturave dhe kushte për reshje bore”, thuhet në parashikimin e IHMK-së për javën në vijim.