Agjencia e lajmeve Kosovanews kosovanews.info
Në tre ditët e fundit Policia rajonale e Pejës, nëpërmjet disa aksioneve dhe aktiviteteve të ndara ka konfiskuar armë dhe municione të mbajtura në pronësi të disa të dyshuarve , raporton KOSOVANEWS .
Me anë të një komunikate për shtyp, Komanda rajonale e Policisë në Pejë, ka njoftuar se efektivët policor në rajonin e Pejës, në këto aksione kanë arritur të konfiskojnë nje pushkë automatike cal, 7.62 mm, një pistoletë TT –cal. 7.62 mm dhe një pistoletë me gas F-92.
Ndaj të dyshuarve pas përfundimit të hetimeve nga Njësiti i hetimor përkatës janë iniciuar raste ‘Mbajtje në pronësi, kontrollë, ose posedim paautorizuar i armëve’, konform Kodit Penal të Republikës së Kosovës , raporton KOSOVANEWS .
‘Qëllimi ynë është që të merren masat e nevojshme në ofrimin e një ambienti të sigurtë për qytetaret e vendit, bizneset dhe shoqërinë në tërësi.’ – përfundon komunikata për media e Policisë Rajonale të Pejës, duke ritheksuar se armët pa leje në duart e qytetarëve, ende mbeten burim i rrezikut serioz për qytetarët./KOSOVANEWS/
