Lirim Greiçevci ambasador i Kosovës në Britani të Madhe përmes një postimi në llogarinë e tij në Facebook e ka bërë të ditur lajmin se Princi Charles do ta vizitojë Kosovën në mars të këtij viti. “Kjo është vizita e tij e parë në Kosovën e pavarur”, ka njoftuar Ambasadori i Kosovës. Princi i Uellsit gjatë turneut të tij në Ballkanin Perëndimor që do ta realizojë së bashku me dukeshën e Kornuellit, Camilla do ta vizitojë edhe Kroacinë , Malin e Zi dhe Serbinë. Ndryshe , Princi i Uellsit e ka vizituar Kosovën në shtator të vitit 1999.

Në Hollandë është duke u ngritur një gjykatë e veçantë në Hagë, e cila do të gjykojë krimet e luftës të kryera gjatë luftës në Kosovë.

Lajmi është konfirmuar nga qeveria hollandeze, raporton BBC, transmeton KOSOVANEWS.

Gjykata do trajtojë krime të rënda të kryera gjatë viteve 1999-2000 nga Ushtrisë Çlirimtare të Kosovës kundër minoriteteve etnike dhe kundërshtarëve politikë, thuhet në një deklaratë, transmeton KOSOVANEWS.

Konfirmimi i këtij lajmi nga ana e Qeverisë së Holandës, dëshmon që ky shtet është pajtuar për themelimin e kësaj gjykate në territorin e saj.

Në anën tjetër, para disa ditësh Qeveria e Kosovës e ka formuar një ekip, i cili po negocion me Holandën për arritjen e një marrëveshje për ekstradimin e të akuzuarve potencial nga ana e kësaj gjykate., raporton Gazeta Blic.

Vitin e kaluar Kuvendi i Kosovës i kishte aprovuar amendamentet kushtetuese, që i hapën rrugë themelimit të Gjykatës Speciale. Ishte raporti i ish- senatorit zviceran, Dick Marty, që i akuzonte ish- udhëheqësit e lartë të UCK-së për krime lufte, i cili i hapi rrugë formimit të Gjykatës Speciale.