Dy helikopterë amerikanë përplasen mes vete në Havai

Dy helikopterë të Marinës amerikane janë përplasur mes vete afër ishullit Oahu në Havai. Që të dy helikopterët kishin nga gjashtë persona në bord.

Përplasja ndodhi gjatë natës të së enjtes, kur stafi po bënte stërvitje. Nuk është qartësuar se çfarë e shkaktoi përplasjen, transmeton KosovaPress.

Autoritetet kanë konfirmuar se të mbeturat e helikopterëve janë parë në një oqean në afërsi.

Nuk dihet ende për stafin në bord dhe helikopterët, derisa ekipet e kërkimshpëtimit janë vënë në një mision kërkimi.