Thaçi takon Jahjagën dhe Veselin në zyrat e tyre

Zëvendëskryeministri Hashim Thaçi sot është takuar me presidenten e shtetit, Atifete Jahjaga, dhe me kryetarin e Kuvendit, Kadri Veseli.
Burime të KosovaPress brenda Kuvendit të Kosovës kanë parë Thaçin duke hyrë në zyrën e Jahjagës dhe Veselit, derisa nuk dihet nëse takimet kishin karakter organizativ për seancën e zgjedhjes së Presidentit të ri të Kosovës apo ato ishin realizuar për ndonjë arsye tjetër.
Deri më tash, nuk ka asnjë komunikatë zyrtare as nga Presidenca dhe as nga Kuvendi i Kosovës për këto takime.