Witsel dëshiron largimin nga Rusia

Mesfushori belg ka konfirmuar se dëshiron të largohet nga Zeniti gjatë verës duke alarmuar gjigantët evropianë që janë të interesuar për shërbimet e tij.
Belgu ishte cak i shumë skuadrave qe një kohë të gjatë, në mesin e tyre edhe Milani e Juventusi.
“Ideja ime është të largohem nga Rusia gjatë verës. Nuk mund të them tani se 100 për qind do të largohem, por nuk kemi diskutuar akoma për zgjatje të kontratës dhe plani im është të largohem”, ka thënë ai për uebfaqen “Dhnet”, transmeton koha.net.
27-vjeçari ka kontratë me Zenitin deri në qershor 2017 dhe besohet se Zeniti për shërbimet e tij kërkon 25 milionë euro.