Rosberg shënon fitoren e pestë rresht

Piloti gjerman i Mercedesit, Nico Rosberg ka shënuar fitoren e pestë rresht në serinë e garave Formula 1.
Rosberg triumfoi të dielën në garën e Shpërblimit të Madh të Bahrejnit, duke regjistruar fitoren e dytë nga po aq gara këtë stinor. Rosberg kishte fituar edhe tri garat e fundit të stinorit të kaluar.
“Ka qenë një fundjavë e jashtëzakonshme. Çelësi ka qenë starti i mirë dhe më pas jam munduar të kontrolloj garën”, ka thënë Rosberg përcjellin mediumet e huaja, përcjell sot Koha Ditore.
Finlandezi i Ferrarit, Kimi Raikkonen përfundoi i dyti me 10.2 sekonda disavantazh ndaj Rosbergut, duke përsëritur rezultatin që pati vitin e kaluar.
“Kam pasur një start të keq, dhe bëra sa munda për të rikuperuar këtë dhe është rezultat mjaft i mirë”, ka thënë Kimi Raikkonen.