Sot pritet të zyrtarizohet meçi mes Tyson Furyt dhe Wladimir Klitschkos

Wladimir Klitschko shumë shpejtë do ta ketë mundësinë për hakmarrje ndaj Tyson Furyt, i cili ia mori titullin e botës në peshat e rënda në muajin nëntor të vitit të kaluar.
Një ditë më parë trajneri i Tyson Furyt, ka zbuluar se sot (e premte), do të zbulohet data e meçit të radhës mes Klitschkos dhe boksierit britanik.
Fury në nëntorin e vitit të kaluar në Dusseldorf me vendim unanim të gjyqtarëve, mposhti deri në atë kohë të pamposhturin Wladimir Klitschko, duke ia marrë titujt në versionet WBA, WBO dhe IBF.
Menjëherë pas meçit, ukrainasi kishte kërkuar revansh, gjë që Fury e ka pranuar.
“Ne së shpejti do të sjellim lajme të rëndësishme në lidhje me datën dhe vendin e meçit të radhës mes Furyt dhe Klitschko. Do të ketë një deklaratë në 24 apo 48 orët e ardhshme”, ka thënë trajneri i Furyt.