Sot pritet t’i japin epilog çështjes së Demarkacionit

Pas seancës maratonike të së martës në Kuvendin e Kosovës ku në rend dite ishte ratifikimi i Projektligjit të Demarkacionit me Malin e Zi, pritet që sot në ora 11:00 deputetët e Kuvendit të Kosovës t’i japin epilog pozitiv kësaj çështje.
Mbrëmë pas mesnate, kryetari i Kuvendit, Kadri Veseli, pas rreth nëntë orë debati parlamentar mbylli seancën duke caktuar vazhdimin e saj për të mërkurën në orën 11:00.