Barcelona i ka gati 50 milion euro për Mustafin

Barcelona është në hall për një mbrojtës cilësor dhe me eksperiencë. Mbrojtësi belg Thomas Vermaelen është dëmtuar sërish në ndeshjen e fundit kundër Atletiko Madridit dhe nuk dihet ende se sa gjatë do të mungojë.

Sipas “Fichajes.net”, trajneri i Barcelonës, Luis Enrique, dëshiron që në janar të përforcohet me një qendërmbrojtës dhe që tashmë e ka zëvendësuesin e Vermaelenit. Bëhet fjalë për qendërmbrojtësin shqiptar të Valencias, Shkodran Mustafi, i cili po vazhdon të shkëlqejë në La Liga edhe këtë edicion, por ka një klauzolë prej 50 milionë eurosh.