Haxhiu: Çfarë u bë me sigurimet shëndetësore?

Deputetja nga radhët e AAK-së, Teuta Haxhiu, parashtroi pyetje për Ministrin e Financave, Abdullah Hoti.

Ajo e pyeti se çfarë ka ndodhur me sigurimet shëndetësore, meqënse në janar të 2015, Hoti kishte premtuar se kjo gjë do të rregullohet.

Hoti u përgjigjë se ministria e tij ka kryer punën, por është ministria e shëndetësisë ajo që ende nuk i ka përfunduar përgaditjet.

Kurse Ministri i Shëndetësisë, Imer Rrahmani, u shpreh se ministria e tij është duke punuar me shumë intensitet për ta përfunduar këtë punë.

“Gjatë gjithë kësaj kohe kemi punuar mjaft shumë”.

“Janë shtyer përpara shumë procese, në përgaditjen e udhëzimeve administrative”.

“Dhe janë duke u përgaditur një varg i udhëzimeve administrative”, u përgjigjë Rrahmani.