LAJME LDK në Mitrovicë i nënshtrohet Agim Bahtirit. Nominon drejtorët e rinj (EMRAT)

​Dega e LDK-së në Mitrovicë sapo ka përfunduar mbledhjen, të cilën e ka mbajtur pas shkarkimeve të tre drejtorëve komunal nga kryetari i Mitrovicës, Agim Bahtiri, si dhe dorëheqjes së një drejtori, Blerim Barutit.
Veriu.info mëson se në këtë mbledhje LDK-ja ka nominuar katër persona për drejtor komunal, të cilët nesër do t’i dërgohen për shqyrtim kryetarit Agim Bahtiri, i cili pastaj mund t’i emëroj në pozitat e drejtorëve nëse i plotësojnë kriteret e parapara profesionale nga ai.

Sipas vendimit të marrë sonte nga dega e LDK-së në Mitrovicë, të nominuar janë: Pajazit Hajzeri për Drejtorinë e Arsimit, Tafil Peci për Drejtorinë për Kulturë, Rini dhe Sport, Qazim Nimani për Drejtorinë për Integrime Evropiane dhe Mirëqenie Sociale, si dhe Kujtim Prekazi për Drejtorinë për Shëndetësi, raporton Veriu.info.

Ndryshe, në konferencën e mbajtur të mërkurën nga kryetari i Mitrovicës, Agim Bahtiri, ai ka kërkuar nga LDK-ja të propozoj personat më profesionist dhe më të dëshmuar.