Hëna ”e përgjakur” elektrizoi planetin (Video)

Nga Amerika në Indi, duke kaluar më pas drejt Evropës dhe më pas në Afrikë, turma kureshtarësh kanë kundruar me ëndje gjatë mbrëmjes së djeshme ngjyrën e kuqe të Hënës ”së përgjakur”.

Për më shumë se një orë duke nisur nga ora 02:11 (GMT) ata kanë parë një spektakël të jashtëzakonshëm të një Hëne të veçantë të një përmase të madhe dhe të shndritshme, e ngjyrosur me të kuqe.

Një “pjeshkë e pjekur” për disa dhe “një rubin” për disa të tjerë ishte perceptimi i saj.

Kjo Hënë ”e përgjakur” është rezultat i bashkimit të rrallë të dy fenomeneve astronomike.

Në orët e para të ditës së sotme, Hëna ishte në atë pikë të orbitës ku një trup qiellor ka distancën më të vogël nga planeti Tokë.

Ajo u shfaq rreth 30 për qind më e shndritshme dhe 14 për qind më e madhe.

Për më tepër, Toka ishte e vendosur në mënyrë perfekte në vijë të drejtë me Hënën dhe Diellin, duke shmangur kështu Hënën e cila nuk prodhoi dritën e saj, drita që ajo merr nga Dielli dhe që i jep normalisht ngjyrën e bardhë.

https://www.youtube.com/watch?t=1&v=PXGF1XPd-BU