Adriatik Kelmendi : Dardan eja tek Mati 1 e shije si jetojmë…

Lexo reagimin e plotë të Kelmendit, të postuar në facebook:

“E falënderoj sinqerisht Dardan Sejdiun që e paska lexuar fragmentin e kolumnës sime në Facebook, përndryshe e botuar sot në të përditshmen “KOHA Ditore” në faqen 10 (e ftoj me përzemërsi që të dalë në rrugët e Prishtinës e t’i blejë gazetat dhe jo të lexojë gjithçka nga zyrja nëpër rrjete sociale).
Natyrisht që s’do të merrem shumë as me shkarrjen logjike që bën ai kur thotë se unë bëj “shkarrje logjike” kur flas për korrupsionin; meqë, unë po, e them, një ndër të këqijat më të mëdha është korrupsioni, por – siç pajtohet edhe Sejdiu – nuk është e keqja e vetme dhe me të nuk përfundon një “qeverisje e mirë”.
E tëra çka mund t’i them këtu z. Sejdiu janë 2 gjëra drejtpërdrejt:
E para, natyrisht që me kënaqësinë më të madhe e kam ftuar dhe do të ju ftoj, edhe kryetarin Ahmeti e edhe ju, për të folur në studion time të Rubikonit për të gjitha ato që i keni bërë dhe për të gjitha që nuk po bëhen në Prishtinë.
E dyta, po ashtu po të ftoj që të vish sot pas orarit të punës me mua për kafe në banesën time, kur do të shohësh se si unë bashkë me mija banorë të Prishtinës, në lagjen Mati1, ende qarkullojmë nëpër një rrugë vetëm rreth 1-kilometërshe, e cila, paramendoje – edhe pas shumë afatesh, premtimesh, zotimesh e arsyetimesh – tash e dy vjet nuk po përfundohet.
Të dy jetojmë në Prishtinë!”