Agim Veliu shkel ligjin (Dokument)

Komunës së Podujevës, Agjencia Kundër Korrupsionit ia ka rekomanduar që një tender ta kthen mbrapsht me arsyetimin se ka bërë shkelje ligjore që lidhen me ligjin e prokurimit.

Bëhet fjalë për tenderin “Ndërtimi i kolektorit të ujërave të zeza përgjatë lumit Dumnica”, ku AKK-ja jep një varg arsyesh që Komuna e Podujevës ka bërë shkelje dhe nuk mund të vazhdojë me këtë tender, .

“Agjencia Kundër Korrupsionit ka identifikuar se Komuna e Podujevës, si autoriteti kontraktues, gjatë përpilimit të dosjes së tenderit nuk ka dhënë vëmendjen e duhur, ku edhe janë bërë disa shkelje që bien ndesh me legjislacionin për Prokurim Publik”, thuhet në arsyetimin e AKK-së që e posedon Indeksonline.

AKK e konsideron në shpërputhje me ligjin kërkesën e autoritetit kontraktues për Operatorin Ekonomik.
Në fakt Komuna e Podujevës i ka kërkuar operatorit ekonomik që të ketë qarkullim 500 mijë euro për tri vitet e fundit, mirëpo këtë kërkesë e ka cilësuar si jo në rregull AKK-ja.

“Autoriteti Kontraktues me kërkesën për qarkullimin prej 500 mijë euro ka kaluar kufizimin sipas Udhëzimit Administrativ 02/2014. Udhëzimi përkufizon se Autoriteti Kontraktues mund të kërkoj qarkullim financiar për tre vitet e fundit shumë të caktuar e cila nuk duhet të kaloj dy herë vlerën e parashikuar të projektit”, thuhet në arsyetimin e AKK-së.