Hoxhaj : Therandasit të bindur në fitoren e Ramë Vataj

Kandidati i Partisë Demokratike të Kosovës (PDK) për komunën e Therandës, Ramë Vataj, ka vazhduar fushatën e tij zgjedhore në fshatrat Terrnje dhe Leshan.

Vataj, ka qenë i shoqëruar edhe nga ministri i Punëve të Jashtme, Enver Hoxhaj. Ky i fundit ka kërkuar “që më 3 nëntor të votohet për Ramë Vatajn, sepse të gjithë qytetarët e komunës së Therandës tashmë besojnë dhe janë të bindur fuqishëm në fitoren Vatajt”.

Në anën tjetër, kandidati i PDK-së, për komunën e Therandës, Ramë Vataj tha “se ky program përfshin realizmin e projekteve prioritete për nevojat e të gjithë therandasve, dhe nga ky program askush nuk do të dal i diskriminuar”.

“Programi ynë është gjithëpërfshirës, i hartuar mbi bazë të nevojave që kanë qytetarët e komunës së Therandës, si në bujqësi, programe për rininë, kulturën, infrastrukturën rrugore dhe shkollore, për shëndetësinë etj. Shpreh bindje të plotë duke garantuar se këto prioritete do të realizohen shumë shpjet, me punën e përkushtuar të ekipit tim dhe nga mbështetja e fuqishme që do ta kem nga Qeveria”, ka shtuar ai.