Guvernatori i BQK-së, takime në FMN dhe BB

Guvernatori i Bankës Qendrore të Kosovës, Bedri Hamza po merr pjesë në takimet e rregullta vjetore të Fondit Monetar Ndërkombëtar dhe të Bankës Botërore, që janë duke u zhvilluar në Washington D.C.

Krahas pjesëmarrjes në sesionin plenar të FMN-së dhe BB-së, Hamza ka marrë pjesë edhe në mbledhjet e konstituencave përkatëse në FMN dhe Bankën Botërore, si dhe është takuar me drejtorin ekzekutiv të konstituencës për Evropën Qendrore dhe Lindore në FMN, Johan Prader, pastaj me zëvendësdrejtoren e FMN-së, Nemat Shafik, me ushtruesen e detyrës së zëvendëspresidentes së BB-së, Laura Tuck, si dhe më përfaqësues të Departamentit të Thesarit Amerikan dhe përfaqësues të Departamentit të Shtetit Amerikan, thuhet në një kumtesë për media të BQK-së.

Guvernatori i BQK-së ka zhvilluar edhe takime bilaterale me homologë të tij nga rajoni e më gjerë. Si thuhet në komunikatë, gjatë këtyre takimeve Hamza ka marrë mbështetje të këtyre institucioneve për realizimin e projekteve në proces dhe projekteve të reja që do t’i kontribuojnë drejtpërdrejt zhvillimit të mëtutjeshëm të sektorit financiar në Republikën e Kosovës