Agjencia e lajmeve Kosovanews kosovanews.info
Partitë politike në opozitë kanë kritikuar Qeverinë e Kosovës për Raportin e Progresit, ku edhe në këtë raport po vazhdon të jetë pikë e zezë korrupsionin dhe krimin e organizuar. Ata thonë se fatkeqësisht kjo gjendje vazhdon të përcjellë Kosovën që nga raporti i kaluar.
Për këtë, deputeti nga LDK Armend Zema,j konsideron se përkundër premtimeve nuk janë marrë hapa konkret për eliminimin e defekteve që janë dhënë nga viti i kaluar në raportin e progresit.
“Po të shikohet vetëm janë arrite skandalet opinionet e këqija, por edhe defektet si në kërkesat e legjislacionit edhe zbatimit të tyre. Siç është parë në raportin e progresit e metë edhe më e madhe është rritja e krimit të organizuar , trafikimit me qenie njerëzore që është njollë e zezë për Kosovën dhe shqiptarët në përgjithësi”, tha Zemaj.
Sipas tij, kjo tregon se nuk ka luftim të krimit dhe të korrupsionit në Kosovë dhe nuk ka zbatim të ligjeve.
“Masat mungojnë në mënyrë të vazhdueshme dhe kjo është e meta kryesore që kjo qeveri dhe institucionet e pavarura nuk e kanë vullnetin për shkak të ndikimit qeveritar për të mos u zbatuar ligjet për të cilat besojmë që shumica e atyre do të arrinin efektin e tyre”, tha ai.
Edhe deputetja, Albulena Haxhiu nga Lëvizja Vetëvendosje konsideron se ky raport pasqyron gjendjen reale në të cilën ndodhet Kosova pra dështimin dhe regresin e shënuar si pasojë e kësaj qeverie të papërgjegjshme.
“Dora e padukshme e qeveris në sistemin e drejtësisë, krimi i organizuar e korrupsioni trafikimi me qenie njerëzore , mungesa e lirisë së medieve lirisë së shprehjes , mungesa e reformës në administratë , zgjedhore janë vetëm disa nga gjetjet e përmendura në raportin e progresit. Dhe kjo vjen si pasojë e qeveris së papërgjegjshme”, tha ajo.
Në gjykimin e saj të gjitha mekanizmat formal e jofunksional të cilat janë ngritur nga kjo qeveri janë hedhje hi syve të qytetarëve dhe tallje.
“Të arriturat që janë përmend në raportin e progresit janë dialogu politik me Serbinë që fatkeqësisht i ka sjellë shumë dëme vendit dhe qytetarëve dhe kalimi i ligjeve në kuvend. Të cilat fatkeqësisht nuk po zbatohen si pasojë e e miratimit të ligjeve në procedurë të përshpejtuar”, tha ajo.
Në anën tjetër, për deputetin nga AAK-ja Burim ramadani, ana e mirë e raportit, është që veç kritikave janë dhënë edhe rekomandimet se çfarë duhet bërë brenda raportit të progresit për secilën pike.
Ai si kritike e konsideron rekomandimin që te lufta kundër korrupsionit duhet të thjeshtohet struktura institucionale që merret me luftën kundër korrupsionit, krimit të organizuar ku theksohet se agjencitë e zbatimit të ligjit hezitojnë me filluar hetimet financiare.
“Qarkullimi i parasë është elementi kryesor në të cilat raporti i KE thotë se institucionet e zbatimit të ligjit në Kosovë hezitojnë të fillojnë punën aty. Kjo i bie thjeshtë që institucionet edhe udhëheqësit mos të vjedhin, edhe të lejojnë mundësin që institucionet e zbatimit të ligjit, të kryejnë punën e vet e të ndërhyjnë politikisht. Si mund të ndërtohet task forca kundër korrupsionit në kuadër të Prokurorisë speciale e ata që janë hetues nuk kanë as zyre?”, tha Ramadani.
Ai konsideron se gjithmonë do të ketë raporte të njëjta dhe shqetësime të njëjta për aq sa në krye të vendit është kjo qeveri.
“Opozitës i mbetet të bëjë presionin publik ndaj qeveris dhe të njëjtën kohë duhet të përgatitet për vete që të ndrojë qeverinë”, tha ai.
Ndryshe, edhe në fillim të seancës së sotme në pikën e parë, ishin deklarimet e lira, ku deputetët u fokusuan në Raportin e Progresit. Ata vlerësuan fillimin e negociatave për MSA, por edhe kritikuan edhe mos përmbushjen e kritereve bazë. Sipas tyre Kosova duhet të ofrojë dëshmi konkrete, në luftimin e krimit të organizuar, trafikimit dhe kontrabandës.