Protestojnë për ujë

Banorët e “Bregut të Diellit”, kanë paralajmëruar një protestë para filialit të Ujësjellësit në rrugën “Gazmend Zajmi”, ku do të kërkojnë që të ndërpriten reduktimet e shumëfishta të ujit në lagjen e tyre.

Banorët e rrugës “Afrim Zhitija” në Bregun e Dielli, kërkojmë orar fiks të reduktimit si dhe në raste të jashtëzakonshme të reduktimeve, Ujësjellësi të informoj së paku dy ditë më herët përmes njoftimeve në media, në hyrjet e ndërtesave si dhe në ueb faqen e tyre.

“Arsyetimi i Ujësjellësit se ka keqpërdorime të ujit dhe si pasojë ka edhe reduktime është i paqëndrueshëm. Eliminimi i keqpërdorimeve (humbjeve) është përgjegjësi e Ujësjellësit, jo e konsumatorëve. Ne kemi pasur mirëkuptim për mungesë të planifikuar të ujit tash e 13 vjet, njëkohësisht edhe kur ka pasur prishje/punime. Por punimet e Ujësjellësit duhet të kenë afate realizimi e jo të jenë një nga arsyetimet e përhershme”, thuhet në një njoftim për media të lëshuar nga banorët

Ata kanë deklaruar se në rast se nuk respektohen kërkesat e tyre të cilat janë elementare, do të heqin dorë nga pagesat e faturave edhe ashtu të fryra dhe paushalle të ujit.