Kryeministri Mustafa uron kombëtaren shqiptare

Kryeministri i Kosovës, Isa Mustafa, ka uruar kombëtarën shqiptare për kualifikim në kampionatin Europian Franca 2016.
“Urime kombëtares së Shqipërisë dhe të gjithë shqiptarëve anë e kënd. Ishte ky një moment i shumëpritur dhe tani një kualifikim meritor për në Franca 2016. Për këtë u punua shumë, dhe një kontribut të spikatur e dhanë edhe futbollistët kosovarë, me lojën e të cilëve ndjehemi krenar të gjithë shqiptarët”, ka shkruar Mustafa në Facebook.

“Dekadat e ardhshme në sport do të jenë padiskutueshëm në favorin tonë, sepse tani edhe Kosova po depërton fuqishëm në skenën sportive ndërkombëtare dhe ne zotohemi se përkrahja institucionale nuk do t’u mungojë asnjëherë për sukseset e tyre të mëtejme”.