Musliu: Baza e këtyre problemeve është VLAN-i

Deputetja e Partisë Demokratike të Kosovës, Ganimete Musliu, në Zona e Debatit ka komentuar veprimet e opozitës dhe zhvillimet e fundit në vend.

Musliu ka thënë se për dallim nga opozita ajo nuk do të shkonte kurrë në Kuvend nëse do t’i cënonte institucionet e Kosovës, njofton Klan Kosova.

“Asnjëherë nuk kam bërë diçka që cënon të drejtën qytetare. Prandaj nuk kam frikë nga askush”.

“Mua nuk më vret asnjëherë ndërgjeja për veprimet e mia në Kuvend. Në momentin që do të kem frikë nga qytetarët nuk do të pranoj të dal më në Parlamentin e Kosovës”.

Sipas saj veprimet e opozitës tregojnë se qëllimi është marrja e pushtetit me dhunë, jo rrëzimi i marrëveshjeve.

“Mua më gëzon fakti që qytetarët në masë të madhe nuk i përkrahin veprimet që cënojnë institucionet e vendit”.

“Qëllimi i opozitës është marrja e pushtetit me dhunë”.

“Të gjitha këto problem vijnë nga koalicioni VLAN”.

“Kur po i shoh veprimet e opozitës tash e vlerësoj Isa Mustafën që i ka braktisur”.