Shpërthimet tensionojnë situatën në veri

Komiteti Lokal për Siguri Publike në Komunën e Mitrovicës vlerësoi se shpërthimet e javës së fundit e kanë tensionuar situatën në veri të qytetit.

Në mbledhjen e Komitetit u tha se shpërthimet ishin të orientuara kundër personave të cilët janë në listat e subjekteve serbe, që pritet të marrin pjesë në zgjedhjet e 3 nëntorit.

“Pas afisheve, tash kanë nisur edhe sulmet me qëllim të frikësimit të qytetarëve serbë që të marrin pjesë në zgjedhje”,u tha në takim.