Adem Salihaj: Fraksioni i SHIK-ut me VV! duan ta prishin koalicionin PDK-LDK!

Jo vetëm mes analistëve por edhe politikajve nga koalicioni PDK-LDK kanë nisur hamendjet nëse prapa “bllokadës” së punës së Kuvendit të Kosovës qëndrojnë edhe figura politike që janë në krye të këtij koalicioni. Kështu, morisë së deklaratave nëse Kadri Veseli po “punon” me VV! për rrëzimin e Qeverisë dhe sidomos Isa Mustafës sot i është shtuar edhe një.

“Në horizont po duket një koalicion shumë i fortë në mes të strukturave të SHIK-ut dhe lëvizjes “Vetëvendosje”… Fraksioni i Kadri Veselit brenda PDK-së është shumë i fuqishëm dhe besoj se, me veprimet që i përmenda, mund ta shkatërrojë me lehtësi këtë koalicion”, tha deputeti Adem Salihaj nga LDK për “Kosova Sot”.