Ambulanca përplaset teksa transporton dy të sëmurë

Tiranë, ambulanca përplaset teksa transporton dy të sëmurë Një aksident ku janë përfshirë disa automjete, mes tyre edhe një makinë e ambulancës, ka ndodhur gjatë orëve të pasdites së kësaj të premteje në Tirana.

Mësohet se makina e ambulancës ishte duke transportuar dy të sëmurë në momentin që është përfshirë në aksident. Fatmirësisht nga përplasja e automjeteve nuk ka pasur persona të lënduar.

Ngjarja ka ndodhur te “Qafa e Kasharit”, ku pas aksidentit qarkullimi i mjeteve u bllokua përkohësisht.

Një tjetër ambulancë mbërriti në vendngjarje për të transportuar të sëmurët drejt spitalit.