Agjencia e lajmeve Kosovanews kosovanews.info
Njohësit e çështjeve politike, vlerësojnë se Kryeministri Isa Mustafa duhet të dorëheqet, pasi që sipas tyre ai ka bërë shkelje të Kushtetutës, me nënshkrimin e marrëveshjes për krijimin e Asociacionit. Duke e cilësuar se Kushtetuta nuk shkelet shumë ose pak, por ose shkelet ose jo, thonë se Kryeministri duhet ta mbajë përgjegjësinë.
Po ashtu analistët kanë thënë se në këto rrethana kjo situatë nuk mund të kalohet, thuaj se nuk ka ndodhur asgjë, raporton KOSOVANEWS
Analisti, Imer Mushkolaj ka thënë për KOSOVANEWS , se me nënshkrimin e marrëveshjes për krijimin e Asociacionit Kryeminist Mustafa, ka bërë shkelje të Kushtetutës, andaj sipas ti ai duhet ta bëjë të njëjtën që e kanë bërë edhe dy Kryeministrat e mëhershëm, Fatmir Sejdiu dhe Behgjet Pacolli.
“Nëse Fatmir Sejdiu ishte shkarkuar nga posti i të parit të vendit për shkak të shkeljes së Kushtetutës, nëse për arsye të njëjta postin e presidentit nuk mundi ta mbajë as Behgjet Pacolli, pse u dashka të amnistohet Mustafa?”, ka thënë Mushkolaj
Sipas Mushkolajt, nëse shkelja e Kushtetutës ‘përmirësohet’ është një çështje tjetër, por ajo çka duhet bërë tani nga opinioni dhe opozita, është kërkimi i dorëheqjes se ti, raporton gazetablic.com
“Opozita dhe opinioni publik duhet të kërkojnë dorëheqjen e Musfatës, si veprimi më i përgjegjshëm dhe normal në një situatë të tillë”, ka thënë Analisti.
Në anën tjetër Analisti, Nexhmedin Spahiu ka vlerësuar për KOSOVANEWS se opozita ka “fituar” duke kundërshtuar marrëveshjen.
Sipas ti,vendimi i Kushtetusës është një kompromis, raporton KOSOVANEWS
“Vendimi i Kushtetuesës është një kompromis mes qëndrimeve krejtësisht diametrale por që moralisht i jep të drejtë opozitës dhe e turpëron skajshmërish pushtetin”, ka thënë Spahiu.
Po ashtu ky analist vlerëson se edhe në këto rrethana situata nuk do të qetësohet në vend, raporton gazetablic.com
“Konflikti vazhdon”, ka thënë shkurt, Nexhmedin Spahiu.
Një mendim ndryshe nga analistët tjerë në lidhje me vendimin e Kushtetuesës e ka Analisti Fadil Lepaja i cili vlerëson se vendimi ka qenë i motivuar politikisht.
“Padyshim që është një vendim i motivuar politikisht, qoftë i motivuar për të mbrojtur marrëveshjen, qoftë për të qetësuar opozitën”, ka thënë Fadil Lepaja.
