Ardian Gjini: Manifestimi i së shtunës do të jetë paqësor

Ardian Gjini nënkryetari i parë i Aleancës për Ardhmërinë e Kosovës ka qenë i ftuar në Kosova Direkt të emisionit Ora e Fundit.

Gjini ka thënë se Gjakova nesër do të kundërshtoj marrëveshjen për Asociacionin dhe atë për Demarkacionin.

“Opozita e bashkuar ka vendos që të filloj manifestimet për kundërshtimin e këtyre marrëveshjeve nëpër komunat e Kosovës”.

“Manifestimi i parë do të jetë nesër në Gjakovë në sheshin “Nënë Tereza” në orën 13:00”.

Nënkryetari i AAK-së ka thënë se besojnë që pjesëmarrja e qytetarëve do të jetë seriozisht e madhe, në kundërshtim të dy marrëveshjeve që sipas tyre po e dëmtojnë Kosovën.

“Manifestimi do të jetë shumë paqësor”.

Ndërsa Gjini ka bërë me dije se për manifestimin i kanë njoftuar edhe organet e sigurisë.

Opozita në Gjakovë e kanë ftuar edhe kryetaren e kësaj komune Mimoza Kusari-Lila që ti bashkohet manifestimit të tyre.